Ballo ardiido Lesdi Naajeeriya Kashim Shettima wi ngomnati Lesdi Naajeeriya do dari darnde ngam yiiki shaanu luumooku hebi jahargal yeeso nder Lesdi Naajeeriya.
Ballo ardiido on suuditi haalakan wakkati O omtanno hodorde shaanu luumooku ‘e ekitinki sana’aaji (SMEDAN) haa Abuja laamorde Lesdi Naajeeriya.
O wi ardungal mabbe do huusitani feesinki golle yaaki ummaatoore Lesdi Naajeeriya.
Ballo ardiido on wi woodi laabi kewdi be taskani ngam hokkuki ummaatoore nyaamaande ceede mardum riba sedda ko wallatabe be fuudda luumooku ngam non ngomnati hawti koppi bee jiibaaji hakkilanta bankiiji kampaniiji bana BOI be hokkibe Ceede ko hewtani N75 billion, 9% ngam ummaatoore Lesdi Naajeeriya botira bee man.
Ceede fuddan hokkuki MSME nder Lewru January 2024 .
Ballo ardiido on wadani ministaajo mo hakkilanta shaanu luumooku, Dr. Doris Uzoka-Anite,enanta ardiibe SMEDAN,bee wiiki fakat be labbini ko’e mabbe nden be holli be waddan jahargal yeeso Lesdi Naajeeriya bananta bernde yidi.
Kadima ministaajo on, Dr Uzoka-Anite, uasi yetti ballo ardiido on bee hokkuki be baawal baawo.
Hooreejo SMEDAN, Mr Charles Odii, kanyumma holli seyo muudum sanne bee noka waari.
SADIQ ALFA
