Ardiido leddi Najeeriya Bola Ahmed Tinubu tabitini wakili’en kautal wadobe jaridaaji dereeji nder leddindi duuw ngomnati makko umtan taskaramji di sembidinta yake kude chaakol habaruuji windeteedi ha dereeji ngam yigo fiijidin yahi yesso masin.
Ha fahinni Ardiido on lori andini anniyaji ngomnati mabbe duuw fa’an yesso e wallutuggo tappobe dereeji jaridaaji nder leddindi ngam heba no yebre kude jari’daku hedi dereeji sembidine bana no lesde njahude yesso wowi wadugo.
Tinubu efti alkawal main nyande altine do ha Abuja ha wakkati nde o wadanno gidal chembingal be kautal jarida’en tappobde dereeji andirangal be (NPAN), ha sare ngomnati wonde Abuja.
O holli kude jarida do marri daraja be himmidinaare ha kala leddi fu nder duniyaru ngammai ngomnati jonta do fa’an yesso be hokkugo jarida’en bawal bawo e kautal hore heba kude mabbe sembidina yake chakkol habaruuji nder leddindi.
A BELLO
