Koreejo ngomnaajo jiha Anambra Mrs Nonye Soludo, sendi kare nyamdu be kolte fa’ago famda sembe’en ha nder jihakan ngam heba be wallotira be kare den ha dugginki lamar kisimeeti ema lamarji ragre hitande je hikka ha jihakan.
Ha fahinni koreejo ngomnaajo on lori sendi limce,kare mawo chuudi,pade, urdi,ema sabuluuji faago bikkoi atime’en ema robe be worbe mabbe mayi acchibe ha jihakan ngam kambe ma be ngada lamarji din nder de’ende.
O yonitiri hebibe botiri be wallinde nden duuw be naftora be kare den ha lamrji din ta be sorade, olori o efti alkawal lorugo hakkilina be njamu mabbe hautande be jangirde mabbe ngam yigo be kebi andal barkantewal ha jihakan ngam waddina ummatore jahol yesso.
Mrs Soludo sendi kare den on ha daldal pijirle maunder nde jihakan wonde ha fada lamorde jiha Anambra watau Uka o fodi hakkilo saro’en duuw hakkilina be ngurdam bibbe mabbe be lowabe ha kude jahol yesso je ngomnati jihakan weititta nder balde de heba kambe ma be betora be majje.
A BELLO
