Koreejo Ardiido leddi jabbi bibbe robe wujjabe daga jami’are Dusem ma jiha katsina

Koreejo Ardiido leddi Najeeriya , Oluremi Tinubu jabbi bibbe robe fukarabe wujjabe no hebi tetei daga jami’are ngomnati mobngal leddi wonde   Dutsin-Ma jiha Katsina  nde be ngaddino be ha fada ngomnati wonde Abuja nyande altine do.

Mrs Tinubu  wii nani seyo masin be yigo bibbe robe ben yofama daga jude marbe bindigaaji joginobe koneba, o holli yofugo bibbe robe ben duum hairu on masin fago saro’en mabbe ema hukuuma jangirde ha be janganno, ngammai ngomnati mobngal leddi ho’an teddenga mabbe daga jangugo mai be ko lutti fun gam yigo ngurdam mabbe welti nama no handi.

Koreejo Ardiido leddi yurminibe be njutirka wakkati ko be judi ha jude saggarle’en jogibe ko dillanta nyalde 70 bedo kabda be torra ha nder ladde, o efti alkawal hokkugo be wallinde hedi lorugo dabbita andal ema nanol beldum mabbe ha yesso.

A BELLO