Ardiido leddi Najeeriya Bola Ahmed Tinubu wadi gidal nyangal be ngomnaajo jiha Rivers, Siminalayi Fubara, hautande be ngomnaajo jihakan boimajo , Sir Peter Odili be luttube marbe jude ha jihakan fun gam be larta yaake lure ema soinde narral ngal duggata hakkunde ngomnaajo boimajo Wike be gonno duuw lamu Fubara.
Ministaajo fada lamorde leddi Najeeriya FCT , Nyesom Wike fu hebi yakirki ha jude den, ngam wadduki ragare lure de feata ha jihakan nder balde de, nden jude nden fuddama on bana misallujamdi 7:30 kikkede nyande altine ha sare ngomnati wonde Abuja.
Dalila gidal mai ni ngam wadda ragare soinde narral be kabe chatude hakkunde ngomnaajo jiha Rivers Fubara be ngomnaajo boimajo Wike ndan bo gidal mai hebi nasaraaku tokkutuggo ko dasi soinde narral mai be o tokkete wadda regare majum be koidum.
Ha ragare ni be pat mabbe be ngerdi be aibe mabbe nden bo be efti alkawal banning mai metatako fea ha jihakan.
A BELLO
