Kautal ngomna’en woilankeere leddindi walliti himbe Tudun Biri be naira million180
Kautal ngomna’en be gifa woilankere leddindi hokki wallinde cheede ko dillanta naira million 180 faago himbe yidube be masibo bomji di soja,en pirooje rufani hite ha gifa Tudun Biri ha gifa Rigasa nder taire hukuuma pamara Igabi ha jiha Kaduna.
Horeejo kautal ngomna’en ben ha fahin mo latake ngomnaajo jiha Gombe Muhammad Inuwa Yahaya on andini wallinde nden bawo nde ardibe kautal ngomna’en mai yarino gilla sinkanki ummatore gifakan be ngomnati jiha Kaduna nder asawere salunde.
Kautal ngomna’en ben sinkanni ummatore jiha Kaduna be ngomnati mabbe fu duuw sababu kippol kallungol ngol soja’en pirooje rufani be hite ha wakkati nde be dugginanno lamar mauludu ha gifa kan, be efti alkawal be hokkan kala ko be wawata fun gam wallita naunibe wallinabe jonta ha nyaundorde.
Be yonitini ngomnati mobngal leddi duuw yauna tigga commitiru ndu lincititta sababu kippol ngol ngam heba hita marbe aibe yarugo ngol ha duuw himbe be anda ko dume.
A BELLO
