Ngomnati jiha Nasarawa hauri jude be kampaniiji hokkoji jairi hite lamtarki ngam wallita jihakan be kare kutinirtede de fesinta hite ngen ha nder jihakan no foti ngam heba ummmatore wurta nder billaji nyibre.
Nde o hallidanno be tefobe habaruuji ha Lafiya fada lamorde jihakan nyande jumbare do Manajaajo maudo mo kampaniwa hokkowa hite lamtarki ha leddindi, Ibrahim Abdullahi, wii be hauri jude be ngomnati jiha kan on ngam wadda kare kutinirtede de jamanu tigga ha babe je handi ngam hebina ummatore jairi hite lamtarki.
O holli kudotiral hakkunde mabbe be ngomnati jiha Nasarawa do do marri himmidi narre masin ngam be naftiran be bososel be hebi ha tiggugo injiji maudi di jamanu ha nukkuje de ngomnati jihakan marri haaje fun gam wallita ummatore be hite ngen.
Ibrahim wii nebi ko be fuddi matotiral be jiha Nasarawa amma Allah wadai be huda se jonta do be hebi bososel natugo narral be mabbe.
A BELLO
