Chi’e chaakol habaruuji dabbitiraama duuw acha semtinki soja’en be luttube rentobe fu ha nder rahotooji kubaruuji mabbe.
Maudo hukuuma rento leddindi mo yebre soja’en (CDS), General Christopher Musa, on wadi yonandu ndun ha wakkati nde o hallidanno be tefobe habaruuji ha fada lamorde soja’en leddindi wonde Abuja nyande jumbaree do.
Christopher Musa beddi wiigo soja’en do marri haaje haurugo jude be chakobe kubaruuji nder leddindi ngam heba wangina tinaare nde rento be ben ngadata hautande be hebugo kudotiral labngal hakkunde mabbe, ngammai do marro bote soja be jarida’en haura huda ngam waddina leddi jaholyesso.
O fodi hakkilo chakobe kubaruuji duuw bedda hokkugo rento be bawal bawo ha kude mabbe de hande ejango ngam heba sattina rentobe ben jokke dugginki kude rento bana no mara haaje, larugo wola hebowo nasaraaku sina be wallinde bandun.
A BELLO
