Ardiido leddi Najeeriya, Bola Ahmed Tinubu hebi yidi be Lamdo leddi England, King Charles III, nyande alamissa do ha Dubai ha wakkati nde Ardibe lesde duniyaru wadata boftorde maunder nde lartugo billaji yake baili duniyaru andirande be COP28 Climate Summit je wowa wadego kala hitande fu.
Ha habaruwol ngol bolinowo Ardiido leddi yerbi ha labi matotiral Twitter makko nyande alamissa do wii gidal hakkunde Tinubu be Lamdo England hebi nasaraaku masin ngam be mboldi hala kujeji duddi di billata Najeeriya be jabrude kandude de handi hoe ngam wadda ragare billajidin.
Tinubu wii gidal mabbe man waddan hairu be jahol yesso kimminingol fago Najeeriya be leddi England mai fu jonde wore, ngammai jonde mabbe mai beddi sembidinki narral be kudotiral lamngal hakkunde mabb.
O andini duuw nebatado Najeeriya’en fuddan yigo riba narral mabbe be Lamdo on hautande be bote ko lesde den didi fu tammi hebugo musaaman hedi nyebbam petroljam be kude ndemri.
A BELLO
