Ballo Ardiido leddi Najeeriya, Kashim Shettima wii kampaninji jodidi jonde koe majji do hokka wallinde heunde nde wallititta ngomnati leddindi ha dugginki kude maude de jahol yesso, .
O hesditini anniya ngomnati Ardiido leddi Bola Ahmed Tinubu’ be tinaare nde ngomnati mai marri ha wanginki kude ko huwe hautande be ekkitinki bibbe leddi kude sana’aji jude ngam be joga koe mabbe ha fahin be warta wadibe larasi be koe mabbe
Shettima yahi yesso be wiigo ko Ardiido leddi wati ha yesso kanju on woni kujeji jetati ha nder mai wodi honago talakaaku, bantugo risku leddi, wanginki kude ko huwe faago dereke’en, fesinki nyamande hautande be bantugo daraja andal jamanu musamman bawangu e kimiyaaku..
O wolwi banning mai on bo nyande alamissa do nde o umtanno Radio FM ha gifa Ijele nder jiha Anambra.
A BELLO
