Saare majalissa ndotti’en leddi nyande alamissa do fuddi lartugo lisaffi cheede ketorngal majjintede mauri duum Ardiido leddi Bola Tinubu waddini majalissa kan nyande alarba salunde ngam heba lisaffi cheede den saline nder wakkati.
Didangol fuddugo lartugo lisaffi cheede den waddama ha yesso majalissa kan ha jonde mabbe nde be ngaddi nyande alamissa do ngol majalissa jo daga jiha Ekiti umti watau Senator Michael Opeyemi Bamidele o holli bote majalissa kan yauna larta lisaffi ketorngal cheede den heba kude majum fudde nder wakkati.
Opeyemi fodi hakkilo bandirabe makko majalissa ‘en ben duuw be hoa wakkati keidum be larta cheede den be lau ha sembidini commitiru lartoru ketorngal cheede majjintede kala hitande fu duuw bedda tinaare ngam timmina kude den bana no mara haaje.
Senator Bamidele ha fahin handi majalissa kan larta labi hebugo leddindi cheede nastooje ngam heba wallita ha no cheede man hebire nder wakkati.
A BELLO
