Ardiido leddi Najeeriya Bola Ahmed Tinubu windani majalissa ndotti’en be majalissa wakili’en fu patakewol dabbutuggo be yerdanamo o jaba nyamande cheede dala million 8.699 daga ha lesde yassi heba o duggina kude godde ha nder ngomnati makko.
Ha patakewol ngol Ardiido leddi leldi Ardiido majalissa ndotti’en Godswill Akpabio be mo majalissa wakili’en Tajudeen Abbas, Ardibe majalissa kan dido fu jangi patakewol mai ha yesso bibbe majalissaji din ha jonde mabbe je nyande salasa do, patakewol man holli cheede den naftirde ha hajeeji ngomnati mobngal leddi je hitande nature.
Chede den dabbitama ngam duggina kude de woni ha yesso ngomnati jonta de be ngidi be fudda huwugo amma ko be marri heatabe duggungo kude den bana no mara haaje, kanju wadi Ardiido on hoi jabrude dabbutuggo nyamande ha lesde yassi bana no wowa.
Tinubu dabbiti nyamande hesere daga ha bankiru duniyaru nden o dabbitino fu ha bankiru jahol yesso lesde Africa de pat majje ni o yidi on o huwira kude godde be mai.
