Maudo soja’en leddindi (COAS), Lieutenant General Taoreed Lagbaja, andini duuw metta bale’en ngola nukkure nyukkago ha nder jiha Plateau, nden bo hanko be rentobe makko fu bedo taskiti wadugo lekki hallube na be wonnugo wakkati.
Maudo soja’en ben COAS andini banning mai on nde o umtanno nyiballiji goddi di soja’en nyibi ha gifa Mangu nyande salasa do ngam wallita soja’en be bayanuji labdi daga ha ummatore wuro.
Lagbaja mo Commandaajo sangere soja’en tatabre andirebe be Operation SAFE HAVEN (OPSH), Major General Abdulsalam Abubakar, lutanni ha lamar kan o wii soja’en mabbe kebi nasaraku masin nde hauri jude be ummatore ngammai be fa’an yesso be dabbutuggo bayanuji labdi daga ha jamaje heba no kude rento marira daraja ha gite duniyaru.
O yonitiri himbe jodibe ha gifakan duuw ta be soma be wallutuggo rento be be bayanuji labdi di hokkatabe nasaraku ha kude rento main nder wakkati sedda, nden kala mo be yerdaki be mumfu bo be andina be be lau.
