Ballo Ngomna jiha Edo, Philip Shaibu wangini anniya mum duuw o daran o dabbita korowal ngomnaku jihakan ha chuubi ngomnaku di jihakan tammi dugginego nder hitande waratado less tutawal jamdiyya PDP nden o tabitini ummatore jihakan duuw o waddanan be kude jahol yesso.
Shaibu, nde o wanginanno anniya makko mai ha Benin fada lamorde jihakan nyande altinedo, wii taskaram kampen makko horan hakkilo on ha bantugo ngurdambibbe jihakan nder wakkati sedda.
O yahi yesso be wiigo o dugginan kude maude de bantata daraja jihakan ha gite duniyaru, nden fahin o horan hakkilo ha fesinki yaake andal,hebango sukaabe kude ko huwa,fiiji njamu, hautande be anniya welnango ummatore jihakan no foti.
Shaibu andini duuw kude demeterle achatake ha bawo o umtan taskaramji kandudi di sembidinta kude ndemri nden hebina remobe kare kutinirtede jamanu ngam heba fesina nyamande ha nder jihakan.
