Hitordu heditoru gullitalli chuubi jodindu ha Abuja wirgi nasaraku ngomnaajo jiha Zamfara Dauda Lawal umri lorugo fuddita chuubi ha nder hukuumaaji pamari tati.
Hitordu ndunni andini duuw chuubi di hokki ngomna Lawal Dauda nasaraku ha chuubi di duggina nyande 18 Leuru March do di timmaka dole di loran di fuddite ha nukkuje fere ngam nasaraku dumm hukuuma chuubi hokki mo jamdiyya PDP darni do wadai..
Alkalijo mo jogi kitakan Justice Sybil Nwaka, umri hukuuma chuubi ka INEC duuw lora fuddita chuubi kessi ha dande chuubi di dugginai chuubi mai bana no handi ngam bayanuji di hitordu ndun hebi ni do holla duuw chuubi dugginaaka ha nukkuje de hitordu ndun umri be fuddita chuubi mai do.
Hitordu ndun umri hukuuma chuubi yauna fuddita chuubi ha nder hukuumaaji pamari Bukkuyum, Birnin Magaji, be hukuuma pamara Maradum na be wonnugo wakkati.
