Maudo police’en leddi Najeeriya IGP Olukayode Egbetokun, yerbi AIG Godwin Ndidi Aghaulor duuw darnde ballo maudo police’en jedidabbo mo lutinta sangere police’en yebre 13 ha fada lamornde mabbe wonde Ukpo jiha Anambra.
AIG Aghaulor boima lorti kude ha sangerenden nden bo o fuddi kude makko bana no mara haaje ngam o jabana ballo maudo police’en gifa kan AIG Tony Olofu, mo wakkati wallinki kude makko yotti nder hitande nde o tammi wadugo ritaya nebatado. s
Ha habaruwol ngol bilonowo police’en gifa kan, SP Ihunwo Josephine, wurtini wii ha wakkati nde onmai jabanno labangal fuddugo kude ni o saurama duuw o lorna hakkilo masin ha duuw mette bale’en umminobe fitinaaji di handai ha gifakan nden bo o tabitina jabrude kandude hoama ha duuw metta bale’en.
O efti alkawal o huwidan be ummatore gure den ngam o heba bayanuuji sirri ha mabbe dibo o holli wallitan masin ha honago kude kallude.
