Ha wakkati nde duum do duggina chuubi ngomnaaku ha jihaji Kogi, Imo be Bayelsa Mando police en leddindin hokki umrore harminki police’en dofta bibbe siyasa yahugo sakkina chuubi.
Maudo police ‘en mai IGP yerbi Mr Habu Sani ha jiha Kogi ha o tabitini be karmini kala rentowow policejo fu duuw dayyo doftaago bibbe siyasa yahugo sakkina chubol musamman yottugo ha dangte chuubi majum duum o holli wakkati fere kanju on waddata soinde yerduye hakkune ummatore be tumande mosle chuubi.
Maudo police ‘en mai lori famtini duuw kala neddofu to yahi sakkini habda accha nukkure nden be lau ngam doggugo ko yahata lata daga bawo ngammai rentobe yowana dongal fabugo yonki bibbe adama’en ema jaule mabbe musamman nyalomare chuubi dogginte.
Habaruuwol wannangol jude polinowo hukuma police’en leddindi , Williams Ovye-Aya, ha Lokoja fada lamorde jiha Kogi andini duuw chuubi labdi kandudi tammete doggineego wola ko be munyata wonna yake chuubi mai no famdirifu.
