Ngomnati Lesdi Naajeeriya Sali yerdaago mallabo lati kalimaaji dariido tefre cubi ardungal Lesdi Naajeeriya les ililal jan’iyawa LP, Peter Obi, dowko laarani ceede hiiso dum ardiido Lesdi Naajeeriya Bola Ahmed Tinubu wadi jee 2023 bee wiiki waday sam no wallata talaka.
Miistaajo mo hakkilanta shaanu maatootiral ‘e waytinki ko’e ummaatoore, Mohammed Idris, kanyum on suuditi haalakan.
Ministaajo on anndini Peter Obi dow hiiso Ceede den ko O lati do do heewi boddi sanne ko nafata ummaatoore Lesdi Naajeeriya musamman hadi shaanu ndemri,rento,besdaari Ceede golloobe,hokkuki fukaraabe nyamaande’e hesditinki Lesdi Naajeeriya.
Ministaajo on tefri siyaasaabe laatuki marbe goonga wolwuki ko haandi naako be yidi ngam yidannde mabbe tan.
Nden ko wada haa hiiso ngon fu yabbay ko diidaadi Lesdi Naajeeriya sappi nden ardiibe dawri dow haalakan dooko.
SADIQ ALFA
