Jamdiyya lauliraha ka PDP wii do taskiti natugo chuubi ngomnaaku di dugginte ha jihaji Imo Kogi be Bayelsa nyande asawe waratado nden wola sekko sam jamdiyya kan on tammi hebugo nasaraaku nyamugo chuubidin fu.
Seketereejo shakol habaruuji jamdiyya kan mo leddi, Debo Ologunagba,on hokki tabituye mai ha moftorde tefobe habaruuji owii jamdiyya mabbe ka PDP darni himbe nanabe yottube haaje marbe ndottaaku ngammai kanju do do sattine be jokke duuw be tammi hebugo nasaraaku. .
Ologunagba beddi wiigo ha jiha Kogi darnugo Dino Melaye nasaraku mangu titi jiha kan to be supti jamdiyya PDP ngammai ta be mbara jokke mabbe ha suptugo ko handi be supta.
Ha fahin o holli ko jamdiyya APC yidi wadugo ha Kogi mai on yahata nden fahin be ngerdata dole on chuubi din wadeete nder gongaku nden be accha himbe bo supta ko be marri haaje suptugo. O holli bana no Senator Hadiza Natasha hebi nasaraaku do bannin Dino Melaye ma tammi hebugo nasaraaku ha chuubi ngomnaaku jiha Kogi ngammai bo be darn darnde be tabitina chuubidin wadama nder gongaku
