Ministaajo fiiji shaakol habaruuji nder leddindi ema finditinki ummatore duuw taskaramji ngomnati, Mohammed Idris, yonitiri shakkobe habaruuji duuw be habda be wuetina kubaruuji shahidi nden fahin be dayyo waddango leddi kubaruuji di sahaki ko kubaruuji pewe.
Ministaajo on wadi yonadindun on ha Abuja nde o wadanno gidal fere be kautal Edita’en yembobe kubaruuji ha chi’e shaakol habaruuji di ngmnati be di jodidi jonde koemaaji ha leddindi.
O dabbitiri yembobe kubaruuji din duuw be wada hakkilo be kubaruuji nyiddudi di umminta hakkilo bibbe leddindi ngammai kala nde be yembata fu be tabitina be itti kubaruuji di sahaki bako be wurtina ko handi ummatore botora.
O beddi wiigo chi’e Radio be Televission fu kanji on burna himbe fu ngadi rarasi ha duuw majji hedi heditikki kubaruuji di hande e jango ngammai kungal mangal on woni ha duuw hore mabbe be dara darnde be yemba ko handi ngam hisa wurtungo ko handai ha kubaruuji leddindi.
