Majalissa ndotti’en leddi Najeeriya dabbitiri ngomnati mobgal leddi duuw tabitina wati cheede irtol mayo Benue ema nyibuggo wendu Dasin Hausa ha nder lisaffi cheede ketorngal majjintede mauri je 2024 ngam kude den fudde.
Ha jonde nde majalissakan wadi nyande altine do majalissan andini ngomnati duuw wurtungo chede irta mayo Benue be wasugo wendu Dasin Hauda ha hukuma pamara Fufore jiha Adamawa do warti dole on ngam fadda ngaddam dam wowi wannugo jodibe ha ton asar kala hitande fu do.
Senator Aminu Iya Abbas lutinowo jiha Adamawa shakantere ha majalissa kan mobo lati Ardido commitiru kimiya e bawangu ha majalissakan on wadi yonadu main de o waddanno didangol hollugo bote irtago mayo gone ma wasugo wendu majum ha jiha Adamawa.
Majalissa jo on beddi wiigo wasugo mayyongon be irtugo wendu mai warti dole ngam heba fadda billaji pacham dam wowi sankutuggo gese be nyiballoji ummatore musamman jodibe ha gifaaji, Fufore, Yola fombina, Yola Woilaha, Girei, Numan, Demsa be Lamorde.
