Wakili’en majalissa leddindi wurtibe daga jiha Rivers yilli ngomnaajo jiha kan boimanjo ha fahin mo latake ministaajo fada lamorde leddi FCT Barr. Nyesom Wike, ha be dabbitiri mo o wada hunduko ha faddugo fitinaaji siyasa di feata nder balde de ha jiha kan musamman je majalissa jiha.
Nde o wolwanno duuw bondi siyasa di sakli ummatore jihakan nder balde de horrejo agal majalissa ‘en ben Obio/Akpor wii fitinaaji feata man na duum hairu faago jihakan ngammai handi marbe jude jihakan be ngomnaajom boimajo majum pat be kaura jude be darna duum be lau, ta wara bura sembe daga bawo.
Hon. Kingsley Chinda andini ministajo on be ngarri hamakko on ngam be dabbita wallinde makko ha wautugo fitinaji siyasa di ummi nder balde de ha jihakan ngam hanko on woni horeejo siyasa jiha Rivers jonta.
O manni Ardido leddi be lamminki Wike duuw dande ministaajo maudo ha nder fada ngomnati makko duum o holli jahol yesso on kimminingol faago ummatore jiha kan no foti.
