Ngomna Mohammed Umaru Bago mo jiha Niger yonitiri ardibe hukuumaaji pamari ha jiha kan duuw be naftira be labi fasaha jamanu ha hebango judibe labbaje kude jahol yesso.
Ngomnajo on wii labi bawangu jamanu be kimiyya kanju on waddanta duniyaaru kude jahol yesso ha jaman jontado ngammai handi ardibe hukuumaji pamari mara anniya nafturgo be dabareeji jamanu ngam waddana himbe mabbe kude jahol yesso be koidum.
Ngmnajo on wadi yonandu ndun on ha jonde beddol andal ngol taskitina Ardibe hukuumaji pamari jihakan 25 ha fada lamorde leddi Abuja ngam sembidina kude mabbe yada be jonde jamanu.
Ngomna Bago beddi wiigo be labi bawangu jamanu do on be hebata dabare no be batira risku kuhumaji din ngammai handi be fudda anniya be lau na be wonnugo wakkati.
O sauri ardibe hukkumaji din duuw be wada tinare umtugo nukkeje eltugo huwebe mabbe be andal bawangu jmanu mai.
