Ngomnajo jiha Borno , Babagana Zulum, famtini duuw jonde jam hebama ha jihakan bana no mara haaje jonta, ngam wola wuro woto go lutti ha jude saggarle’en gure den fu japtama daga ha jogibe bindigaji de hoti ha jude ngmnati jiha kan.
Ngomnajo on famtini banning mai on yande asawe do ha Abuja fada lamorde leddi tippingel nde o wadi no gidal be Ardido leddi Najeeriya Bola Tinubu ha sare ngmnati. Ha wakkati o halidanno be tefobe habaruuji.
Zulum beddi wiigo yeke rento ha jiha Borno hebi nasaraku masin ngam jonde jam e de’ende lorti ha nder jihakan bana no mara haje, hafahin o andini jonde jam ko heba wadan bana gebe 85 nder temmerre.
Nde be nyamanno mo hala fitinaaji peudi nder balade shalude bo Ngomnajo on wii wola ha luttiri be soinde rento jonta ha jiha kan no foti sende be tokkiti be larti bako o wurta o andina tefobe habaruuji duuw nasaraku jonde jam ko heba ha jiha kan.
