Ngomnajo jiha Anambra , Professor Chukwuma Charles Soludo walliti sukabe ko dillanta 5000 be kare ikkitikki sana’aji jude ema cheede mballa fuddugo kude sana’aji din ha nder jiha kan.
Ngmnajo on umti taskaram ikkitinki sukabe ben sana’aji jude man ngam be ngurta nder billare ha fahin be lato wadibe larasi be ko’e mabbe, nden o fuddiri be dereke’en 5000 ha yebre arandere daga bawo bo o lowa luttube 5000 ngam heba o timmina alkawal wallutuggo hombe 10.000 bana no o andini arande.
Ngmna Chukwuma Soludo suditi duuw o yidi jiha Anambra warta arande ha ha marugo andal kimiyya jamanu ema bawangu fu jonde wore ha nder sahara Africa ngam yigo jiha kan wari arande.
Nde o wolwanno ha lamar umtugo taskaram mai Ngmna Soludo wii be marugo sana’aji jude on tan dereke’en dalorta be kosde mabbe be dabbita halal mabbe ndenbo be dayyo kude kallude de wonnata ngurndam mabbe.
O holli duuw ngmnati makko mbara jokee ha tabutungo dereke’en hebi ko wada hisi bo jonde mere.
