Ardiido Lesdi Naajeeriya Boymaajo, Goodluck Jonathan tefri siyaasaabe enanta ardiibe Lesdi ndin hidbe hawta koppi ngam walla ummaatoore Lesdi Naajeeriya.
Jonathan wi wakkati cubi saali jotta kan haandi be hawta ko’e ngam be huuwana ummaatoore ko waddata jahargal yeeso Lesdi ndin.
Ardiido Lesdi ndin boymaajo suuditi haalakan bawti giidal maako bee Ardiido Bola Tinubu haa hodorde ngomnati haa Abuja laamorde Lesdi Naajeeriya.
Goodluck Jonathan besdika bee wiiki Lesdi Naajeeriya yotti ko ardana Lesde ASfrica fu bee no gannudi kilantaaji reskuuji wontiri do fu.
Jonathan wi warki maako wadaama musamman ngam O numtina ardiido Tinubu ko laarani ardungal ECOWAS hawtaade bee wadanki mo barka bee hebuki nasaraaku haa Hitordu kolaarani tabitinki mo cubi Ardungal Lesdi Naajeeriya.
Haa ragare O meti duudka dowko laarani gannudi kilantaaji riskuuji Lesdi Naajeeriya wontiri amma O wi tammi wartuki taariiha bee baawal baawo ngomnati Lesdi Naajeeriya.
SADIQ ALFA
