Directaajo maudo mo Radio kongol Najeeria, VON, Jubrin Ndace efti alkawaal wo’utungo yake daraja Radio man ngam yigo Radio kongol Najeeria wurtini kubaruuji nanadi di famtinta ummatore leddindi ha ma be luttude lesde afrrica e duniyaaru no foti.
Directaajo on beddi wiigo Radio kongol Najeeria fa;an yesso be umtugo taskaramji di welninta ummatore mussamman heditobe Radio man, ha hokkabe bososel natugo nder taskaramji din heba kambe ma be hokka mballa mabbe ha ko yarata sarede yeeso bana no mara haaje.
O holli nanema Radio man andira be duggungo taskaramji nder nemde ko nandi bana Turaaakore, Fransaare,Aabre,Suwahilli, Hausaare, Igboore, Yorobaare, ema Fulfulde; ngammai darnde wola kude tan huwete jonta ngma yigo nasaraaku hebaama.
Mr Ndace efti alkawaal man on ha wakkati nde o fuddanno kude ha sare Radio mai bawo nde Ardiido leddi hokkimo Ardungal kesal yande altinedo ha Abuja.
Directaajo keso on manni kude de Directaajo wallinowo kude huwi Mr Osita Okechukwu mo o holli habdi masin ha kude teddude de shakkol habaruuji ha ragare o yelanimo hairu.
