Ngomnaati jiha Kwara umti taskaram sendugo ndabuji faddugo ngatol chufi ha jihakan duuw anniya honugo nyawu pabboje, hautade be faddugo nyamu robe redu’en be bikkoi kecchon.
Ngomnati jihakan sendan ndabuji din faago pattule 193 nder hukuumaji 16 ko jihakan marri ngam yigo himbe wurtinama nder billare nyawu pabboje.
Taskaram sendol ndabuji din fuddama yande alarbado duum ngomnaajo jihakan , Mallam AbdulRahman AbdulRazaq umti ha sare ngomnati jiha kan wonde Ilorin, lamarmai ni hebi yalirki wakili’en hukuumaji njamu, hukuuma hokkowa nyaudingu arandewu, be wakili’en hukluuma nyamu duniyaaru watau WHO. Eko nandi e mabbe.
Ndabuji din sendinte iyalu’en bikkoi pamaron be robe marbe redu, ema luttube ummatore ha nder pattule 193 ko jihakan marri.
Ngomnaajo jihakan tabitini duuw ngomnati makko mbarata joke ha hebango ummatoore jihakan nyaudngu ema fesinol kare njamu.
