Ministaajo kude police’en mo leddi , Senator Ibrahim Gaidam dabbitir kautal jude be ngomnati leddi Canada hedi fiiji rento heba wallita Najeeriya ha honago kude kallude mussamman ma kude rento neddaku ummatore.
Mr. Gaidam holli bote hauruki jude be Canada man on ha wakkati nde timado leddi Canada ha Najeeriya Mr James Christoff waddanimo ngilla teddinki ha fada lamorde hukuuma police’en leddindi ha Abuja.
Ministaajo on beddi wiigo leddi Najeeriya be Canada nebi do huda ndenbo do mari gerdotiraal hebi labi boi ngammai wakkati wadi nde lesde den didi haurata jude matotira ngam wallotira hedi honago kude soinde rento duum yidete jontado.
Gaidam wii Najeeriya do yida be soinde rento nder dubi ga’endo nden bo asar do wade masin sababu soinde rento gon handi jabrude kandude ho’e be jawal ngam wadda ragare majum.
Hanko ma nder wolde mako Timmado leddi Canada ha Najeeriya Mr Jamse wi o wari Najeeriya on ngam dabbutuggo narral ema kudotiral lamngal be Najeeriya heba kala komoifu botira be bandum.
