Ballo Ardiido Lesdi Naajweeriya, Kashim Shettima, taskani huuduki kuude jahargal yeeso haa bakkeeje wayla walaadu Fuuna Lesdi Naajeeriya bee hukuumawa hakkilanta jahargal yeeso bakkeeje den (NEDC) musamman hedi ko laarani ndemri,janngirde hawtaade bee shaanu jahaale.
O suuditi haalakan wakkati be hukuumawa ngan yaarani mo ngilla haa ofisru maako bee holluki mo taskaramji mabbe di kuude jahargal yeeso haa huumawa ngan ngam wayla walaadu Fuuna Lesdi Naajeeriya.
Kadima shetima tefri be be tabitina be wadi ko neebata nden do mari bote sanne haa bakkeeje den no haandi.
VP Shettima tabitinibe dow Ardiido Bola Tinubu wadan fodde bawde maako ngam yiiki jam lorti no haandi haa wayla walaadu Fuuna Lesdi Naajeerya.
Nden Kadima ballo ardiido on wi be naftoran NEDC ngam be feesina golle yaaki sukaabe haa bakkeeje den
Nder jawaabu hooreejo jaabueru NEDC, Maj-Gen Paul Tarfa, wiido be waddani mo ngilla musamman ngam be anndinamo anniyaaji mabbe boddi di kuude jahargal yeeso haa wayla walaadu Fuuna Lesdi Naajeeriya.
Directaajo haa NEDC, Mr Mohammed Alkali, kanyumbo wii be tokki ko diidaadi sappi on be wanngini anniyaaji mabbe dum be waddani mo do.
SADIQ ALFA
