Ballo ardiido Lesdi Naajeeriya Kashim Shettima wanngini boddi Ardiido Lesdi Naajeeriya dow ko laarani jahargal yeeso Luumooku nder Lesdi Naajeeriya.
Ballo ardiido on suuditi haalakan wakkati ardiibe aagal kampaniiji bana be MTN enanta be First Surat Group haa hodorde ngomnati Abuja laamorde Lesdi Naajeeriya.
Shettima wi nder Ardungal Tinubu be taskani waduki ko haandi ngam weltinki ngurndam ummaatoore Lesdi Naajeeriya.
Non kadima O mani tiinaaje kastaabe be Surat Group marbe Nizamiye Hospital, Nizamiye Foundation,hawtaade bee nokkuure janngirde mabbe niiman wadaama on ngam yiiki be walli duudbe hedi feesinki be golle mallabo ko huuwe.
Kadima O tefri be MTN haa Lesdi Naajeeriya, besda lornuki hakkiilo sanne ngam hewtinki yidannde ummaatoore Lesdi Naajeeriya no haandi nden wallabe hedi Luumooku mabbe.
Hooreejo MTN, Ernest Ndukwe, enanta kastaado kampaniwa ngan, Karl Toriola, wi bedo dari darnde sottoowo ngam yiiki be hewtani yidannde Ardiido Lesdi Naajeeriya Bola Tinubu.
Kadi ma be wi tippungledo Naajeeriyaabe fuddan nanki beldum Daldal maatootiral ko hewtani
5G.
SADIQ ALFA
