Ha wakkati nde jamdiyyajii siyasa do taskitinaa shubii Ngomnaku jiha Imo dabbitowo korowal ngomnaku less tutawaal jamdiyya Labour party Athan Achonu ummti kude taskaram darugo makko ha efti alkawal welnanki ummatora jihakan gurdam mabbe.
Wakkati nde o wadanno jawabu makko ni yande salasado ha hukuma pamara Nguru Mbaise , o tindini soinde reento duum yidetee ha jihakan do yebaree on waddinon ngammai to be hokkimo bawal bawo be subtimo o wadan lekki man ko yaawit:
O hoi alkawal hokkugo andal shahu hautade be eftugo dungal jangungo fukarabe jangirle maude nder duniyaru, ha fahin o tiggan kampanijii baudi ngam honago talakaku hakkunde ummatoree jihakan nofoti.
Dabbitowoo korowal ngomnaku mai lorii efti alkawal hokkugo hukumajii pamarii jihakan ndimu koemaji toni o suptama nder leuru November waratado
