Debbo feere mo ngondam kebbini e gette mum bi e teedo Imine Tala daga leddi Morocco yoonitiri ummatoojee duniyaaru dow wallitabe be ko wawatafuu ngam yigo majjibee les nyibalooji wurtinama be koidum bawo nde nyibalooji din yibbi ha duuw mabbe. Sanaadu dimbol leddi.
Joodibee ha lnder labbajee dude on do kabdo irtukii be nyiballojii yibbi duuw mum nden himbe ko ngadatta ujuneere on halki sanaadu dimbol leddi majum, non kambe hokkebe mballa njauka ka lesde e lesde do kebbini ngam wallinde nden.
Rahotoojii do kola duuw bangido fere e koreemum hautaade be minyum fu tawaama do wali nyiballo do tunni balli mabbe ha hadaruwol man, kadi jodibbe nokkure nden kolli saloribe irtuggo nyoa’ be ben ngammai on wadi be yonitiri hukuumajii hokkojii wallinde yaunde yawa yida wonbe less nyiballojii ha gifakaan.
Ngomatii leddi morocco ema hukumaajii hokkojii wallinde hakkunde lesde e lesde kolli sanaduu dimbol leddi man halki himbe ko burataa ujunee didi ndenbo ha jonta bedoo irta tunnabee ha les nyiballojii.
Maskibee hedi fiiji kimiyya kolli sembe dimbol leddi man heuti mita 6.8 duum be mbii samkiti labbaree Atlas ha be hoseree maunder wondee gifakaan.
Ardibee lesdee duniyaruu dudbe sinkanni leddi morocco be hadaruu dimbol leddii shattungol ngol be kolli media feuugo ha gifakaan ko be joodii.
SADIQ ALFA
