Wamboobe baawo fijoobe bol kosde be Lesdi Naajeeriya tefri NFF lorta hoosa mallabe acca eltube rewbe fijiibe bol haa Super Falcons Randy Waldrum ngam yiiki tiinaare maako.
Be tokkere nden Falcons wurti haa fijirde nde be fijino nyennde Altine bee Rewbe be Lesdi Ingila be hebi nasaraaku dow mabbe bee Boggi 4-2 hakkunde mabbe.
Eltoowo on wanngini yidannde maako dow be accamo eltabe Kadima jeewakkati sedda haa Lesdi Naajeeriya.
Waldrum hokkaamo elto Falcons iga 2020 o ardani be yaaki fijirde mabbe nde Rewe koofiiru Lesde Africa ACN 2022 kadi ma hawtaade bee Koofiiru Duuniyaaru fu jee 2023.
Tumbaljo NF, Ademola Olajire, holli soynde baawal eltoowo on musamman wakkati subtuki fijoobe kannjum on hadi be nasaraaku haa fijirde nden.
SADIQ ALFA
