Ngomnati Lesdi Naajeeriya Bola Tinubu tefri ngomnati Lesdi Britaania hawta koppi sanne bee Lesde Africa.
Tinubu suuditi haalakan nyende Alarba bawti O yiidi bee seketeriijo kawte Lesde yaasi hebiide jahargal yeeso, Rt Hon. James Cleverly MP, haa ofisru maako nder hodorde ngomnati Abuja.
Kadima O tefri Lesdi Britaani besda kabbidal narral bee Lesdi Naajeeriya enanta luttude Lesde Afrika ngam senbidinki kilantaaji riskuuji mabbe ko weltinta ngurndam ummaatoore mabbe.
Dowko laarani kubbirle, kilantaaji riskuuji, bee haala henndu Gas ‘eko nanndi ‘e non Tinubu meti duudka bee maako ko wallata bakkeeje Lesde Africa.
Ardiibe ben meti duudka nafooha ko waddata jahargal yeeso hakkundee mabbe bee Lesde Africa.
Seketeriijo on, Rt Hon. Cleverly wadani ardiido Tinubu barka bee nasaraaku Laamu enanta manuki mo bee jabrude kanndude ko O hoosi nder Ardungal maako.
Seketeriijo on wi warki maako Lesdi Naajeeriya musamman ngan besduki kabbidal narral boosungu on hakkunde Lesde den 2.
SADIQ ALFA
