Hooreejo wakiili’en majaliisaabe burdube Duudugo, Julius Ihonbvere wi be besdan hawtuki hoore bee Ardiibe no haandi ngam be wadda ragare tikkere golle Lokotoro’en mallabo nyawndoobe, NARD.
Julius laatiido hooreejo comitiwa hakkilanta narral hakkunde mabbe ‘e tikkiibe ben kanyum on suuditika haa Abuja.
Giidal ngal huusitani wadduki ragare tikkere golle nyawndoobe ben.
Directaajo mo hakkilanta shaanu hiiso, Mr. Ben Akabueze, yecci lokotoro’en ben acca tikkere mabbe do hawtaade bee wiiki tikkere NARD, do torra Naajeeriyaabe sanne.
O besdika bee wiiki O faami lokotoro’en wobbe Daliibe Lesdi Naajeeriya wartay haajotta inde mabbe do nder yobe teebe ko bedani Lesdi Naajeeriya bone.
Ballo hooreejo comitiwa ngan, Honourable Tanko Sonunu, mo ardi haa giidal ngal wi haandi be wada fodde bawde mabbe fun gam be acca tikkere nden.
Hooreejo mo hakkilanta shaanu njobdi Ceede golloobe, Mr. Ekpo Nta, win der narral mabbe goddum hebataake ngam yanayuuji ko bayli Ceede wontiri jotta nder Lesdi Naajeeriya.
Hooreejo NARD, Dr. Emeka Orji, Limti ko wadi be fuddi tikkere golle mabbe ko hawti bee:
“soynde yobuki be Ceede elto,soynde kare kuude,do’uki daraja wakiili’en kuude mabbe,soynde yobuki be Ceede mabbe ko saali,’eko nanndi’enon”.
Be kawtal ngal meti duudka ko wanni be ngambe usta mone mabbe haa yeeso ardiibe ben.
SADIQ ALFA
