Ngomnati Lesdi Naajeeriya taskani taskaram fintinki beeli ngam saanu ndenri sembida haa Lesdi Naajeeriya.
Ballo Ardiido Lesdi Naajeeriya Kashim Shettima suuditi haalakan haa Rome Lesdi Italy.
Shettima, meti dudka haa yeeso ardiibe Lesde yaasi enanta be Lesde Africa yahiibe bana Prime Ministaajo Lesdi Somalia, Hassan Sheikh Mohamud; ballo ardiido Lesdi Kenya, Rigathi Gachagua; Prime ministaajo Lesdi Niger, Ouhoudou Mahamadou,
Nder jawaabu maako O sappi ‘e wiiki dow Ardiido Tinubu taski sembidinan kilantaaji riskuuji Lesdi Naajeeriya.
Kadima Shettima, besdika bee wiiki Tinubu yerdi be wurtina Ceede musamman ngam hurguki gannudi Rento ‘e Jahargal yeeso Lesdi Naajeeriya.
Non Kadima ardiido Lesdi Somalia Hassan Mohamud, wi Lesdi maako yiidino’e yanngadaaji amma do finta sedda sedda nder gannudi ko yiidi no.
Ballo Ardiido Lesdi Kenya, Gachagua, wi Lesde Africa do wonndi ‘e gannudi feerefeere amma koo toy fu feerootiri.
Amme nder ko be limtifu wala jee buri hallugo bananta soynde joonde jam.
SADIQ ALFA
