Ngomna’en Jihaaji Lesdi Naajeeriya hawti taskani taskaram sendanki ummaatoore Lesdi Naajeeriya Ceede ngam ustanabe yanngada ittuki mballa nyebbam peeturuljam hedi laabi tongitol inde mabbe.
Niiman wadaama on bawti tigguki komitiwa ko hakkilanta haalakan.
Ngomnaajo Jihawol Ogun Fombina walaadu Fuuna Lesdi Naajeeriya Dapo Abiodun kanyum on suuditani ka kubaru’en haalakan bawti giidal mabbe dum ballo ardiido Lesdi Naajeeriya Kashim Shettima ardani hawtaade bee wiiki be taskani golloobe ma njobdi ceede den jee Lesbbi jeego.
Kadima Abiodun besdika bee wiiki nder takaramji mabbe woodi haala ko laarani sembidinki sana’aaji enanta kubbirle yiite lamtarki bee shaanu luumooku ‘e waylitaaki nba’ante huutinira bee henndu Gas acca nyebbam peeturuljam.
Dowko Laarani besdaari njobdi ceede golloobe
Abiodun wi min metika woodi taskaramji ‘e jabrude kanndude min thoosi dow halakan.
Ngomnaajo Chukwuma Soludo mo Jihawol Anambra, kanyumma wi fakat ummaatoore Lesdi Naajeeriya do wonndi ‘e yanngada sadirmaaji naawuki Are haa Luumo koodume besdi Ceede ngam besdaari nyebbam peeturuljam.
Prof. Soludo wi Ceede ko taskani sennduki be ngomnati kawtal Lesdi ,Jihaaji enanta be Hukuumaaji Pamari hewtani N900 billion amma ko hewtani N1.9 trillion bo do sankite haa saakaabe kubaruuji Jamanu di goonga ‘e fewre.
SADIQ ALFA
