Ardiido Lesdi Naajeeriya Bola Tinubu tabitini ummaatoore Lesdi Naajeeriya rentuki be enanta jawle mabbe bee bakkeeje godde nder Lesdi Naajeeriya.
Ardiido on suuditi haalakn haa Jihawol Kaduna nyennde jumbaare wakkati O yaano mobre do’ordu jee elto Ardiibe sooja’en dum 45 haa janngirde nde Staff College, Jaji, Kaduna.
O naftori bosesel wakkatiire nden O mani tiinaaje sooja’en ben haro rentuki ummaatoore ‘e jawle mabbe nder Lesdi Naajeeriya.
Kadima Tinubu, wadani yottiniibe ben barka bee timminki nder jam subaabe nder ummaatoore ko buranta milionji 200 nder Lesdi Naajeeriya.
Eltaabe ben hewti 291 eltaama hedi fannuuji feere feere be hewti mukaamu (PSC)
SADIQ ALFA
