Ngomnati Lesdi Naajeeriya tefri ummaatoore besda munyal be dow besdaari iggitinki Bibbe mabbe haa Lesdi Sudan yaaki Lesdi Misra.
Seketeriijo tabitiido mo hukuuma hakkilanta shaanu innu Adama enanta fe’aanooji hawtaade bee kuude jahargal yeeso, Nasir Sani-Gwarzo kanyum on wadi tefre nden wakkati O haarino yami kubaru’en dow haala kan.
Seketeriijo on wi be hoosi jabrude kanndude haro rentuki ummaatoore Lesdi Naajeeriya bee jawle mabbe haa Lesdi Sudan ha be woni fu.
Nder jawaabu maako O sappi bee wiiki njobdi ‘e taskaramji ko haandi ngomnati wada fu hokkaama ngam yawna eggitinki ummaatoore Lesdi Naajeeriya iga Lesdi Sudan.
O wi “min hebi nasaraaku eggitinki himbe ko hewtani 637 wurtinibe galluure Khartoum, yaaki keeri haa Aswan Lesdi Misra .
SADIQ ALFA
