Ngomnaajo Jihawol Gombe, Muhammadu Inuwa Yahaya wanngini yurmiinde maako ndo O hebi habaru sooyuki yonki tumbaljo wakiili’en majaliisaabe Jihakan boymaajo, Mr. Nasiru Abubakar Nono, sooyudo yonki maako haa hasaru mba’annte nde O yahanno Abuja.
Ngomnaajo on tinndini sooyuki yonki neddo on dum Asar on sanne naa see Lenyol mabbe tan hawti bee Lesdi Naajeeriya fu.
Ngomnaajo on besdika bee wiiki wakiiliijo on wadani ummaatoore nokkuure maako enanta Jiha Gombe sanne wakkati O do dow korowal.
Ngomnaajo on wi O numti haamajaliisaaru wakkati Nono do ardi O wolwi mbelka ko bamti daraja mabbe be fu haa majaliisaaru ndun.
Inuwa, wi luutani ngomnati enanta ummaatoore Jihawol Gombe yottini kofli foofo yaaki Lenyol sooyudo yonki maako wadani mo Do’a ALLAH hokkumo ALJANNA Firdausi.
SADIQ ALFA
