Hiitordu mawndu ndu Supreme Court haa Lesdi Naajeeriya fabbitini majjinol Ceede kidde fuu yaaki 31 Lewru December 2023.
Hiitordu ndun wii Ceede kidde bee Kese fu huuwan nden Bankiiru mawndu CBN bo wurtina kidde ngam Ceede den feesa haa juude ummaatoore yaaki ragare hitaande hikka.
Justice Emmanuel Agim kanyum on ardani himbe 7 dow haalakan, wiido Ardiido Buhari lati ko diidaadi sappi bee waduki bayaanu maako dum O wolwi 16 Lewru February 2023.
Hiitordu ndun hokki Ardiido Buhari aybe soynde tokkuki ko diidaadi sappi enanta saluki sawriinde Ardiibe dowko laarani haala Ceede den.
Ngomna’en Jihaaji ko hewtani 16 dum ngomna’en Kaduna, Kogi enanta Zamfara ardani yaaki Hiitordu ndun, bee wiiki ummaatoore Lesdi Naajeeriya do yiida ‘e yanngadaaji ngam haala Ceede den.
Luttube ngomna’en ben woni bana mo Sokoto, Ondo, Lagos, Katsina, Cross River, Ogun, Rivers, Jigawa, Nasarawa, Abia and Ekiti, Kano enanta Jihawol Niger.
Ardiibe shaanu kiita kastaabe ko hewtani 50 nder Lesdi Naajeeriya bee ngomna’en bana Nasiru El-Rifai mo Kaduna, Yahaya Bello mo Kogi enanta mo Jihawol
Zamfara kambe on dari darnde sottoowo ngam yiiki nasaraaku hebaama.
SADIQ ALFA
