Ardiibe kawte Commonwealth be taskaram waatoobe gite wi hawtan koppi bee Lesdi Naajeeriya ngam wallabe haa Cubi di tammi wadeeki do to jam ngam goongaraaji wade.
Seketeriijo kawtal ngal, Mrs. Patricia Scotland kanyum on suuditi haalakan wakkati be yaarano ngilla haa hukuuma hakkilanta shaanu yaasi Lesdiiku haa Abuja.
Mrs. Patricia mani tiinaaje dariibe tefre cubi Ardungal Lesdi Naajeeriya Less ilile jam’iyaaji feerefeere dow ko laarani kabbidal mabbe haro waduki cubi din nder jam’e de’eende haa Naajeeriya.
Non ardiido Lesdi Naajeeriya boymaajo, General Abdulsalam Abubakar bee seketeriijo UN boymaajo, Mr. Kofi Annan be fu be dalaaka baawo haa manoore nden ngam bee gidde Gite mabbe be wadi kabbidal ngal ngam sembidinki laamu dimocradiyya haa Naajeeriya.
Ministaajo on, Mr. Geoffrey Onyeama usi yeti Commonwealth bee hokkuki baawal baawo mabbe ngam yiiki cubi wadaama nder jam’e de’eende haa Lesdi Naajeeriya
SADIQ ALFA
