Ardiibe shaanu rento haa Lesdi Naajeeriya wadi giidal nyennde Alarba musamman dowko laarani cubi di wadete 25 Lewru February enanta 11 Lewru March 2023.
Ardiido Lesdi Naajeeriya, Muhammadu Buhari on ardani joonde giidal ngal ko wada haa hodorde ngomnati nde Abuja Laamorde Lesdi Naajeeriya.
Hooreejo shaanu kiita, Abubakar Malami, kanyum on suuditini ka kubaru’en no giidal ngan waari“min giidal ngal musamman ngam haala cubi nden bon gam min tabitina cubi din wadaama nder jam’e de’eende wala fitnaaji goddiwakkati cudin dogginte nder Lesdi Naajeeriya.”
Malami wi Ardiibe ben be rento tabitini Muhammadu Buhari dow be taski sanne ngam yiiki Cubi din wadaama jam salaaman nder Lesdi Naajeeriya.
Non kadi ma hooreejo Hukuuma hakkilanta shaanu Cubi INEC, Prof. Mahmood Yakubu kanyumma yecce kubaru’en dow timmini taskaramji mabbe sap ngam cubi din wade.
Hooreejo Police’en, Usman Alkali Baba, kanyumma wi hukuumawa ngan yerban police ‘en haa subirde nder Lesdi Naajeeriya fuu.
SADIQ ALFA
