Ardiido Lesdi Naajeeriya Muhammadu Buhari tefri Ummaatoore Lesdi Naajeeriya besda hokkuki baawal baawo mabbe haro gollidaaki bee be kawte Lesde yaasi walloobe meemaabe haa bakkeeje wayla walaadu fuuna Lesdi Naajeeriya.
Ardiido on suuditi haalakan wakkati O wadano giidal bee hooreejo be hakkilanta shaanu hijirbe (IOM), Antonio Vitorino, haa Addis Ababa, laamorde Lesdi Habasha, nde be yaano giidal 36th AU Summit.
Buhari tabitini be dow Lesdi Naajeeriya besdan mallabo gollidan bee mabbe no haandi haa bakkeeje Wayla walaadu Fuuna Lesdi Naajeeriya.
O wi fakat O faami duudbe do botira bee walliinde mabbe haa giifakan.
Haafahin O tefri be kawte den taata woyta be bakkeeje Lake Chad relliibe koodume mabbe.
Nder jawaabu hooreejo IOM, yecci Ardiido Buhari dow be hawti koppi bee ngomnati Jihawol Borno ngam yiiki be nasti burde ‘e sorke be yaari walliinde haa marbe haaje bana IDPs.
O usi O yeti ngomnati Lesdi Naajeeriya be hokkube bosesel nastuki Lesdi ndin ngam walliinde.
SADIQ ALFA
