Ardiido Lesdi Naajeeriya Muhammadu Buhari O anndi taariha tammi yeccugo boddi nder Ardungal maako yeeso .
O suuditi haalakn haa Jihawol Katsina nyennde Alamiisa.
Buhari omti nokkuuje bana shaanu njamu, janngirde, bee shaanu nyibaali haa Jihakan.
O wi; “mi wadi ko ALLAH wawniam nden mi anndi yeeso taariha lornita yeeso,’’ be yaaliri nokkuure nyamndu bawti O omti dammugal Kofar Kaura, Kofar Kwaya, nokkuure shaanu ndiyam haa Kofar Kaura, nokkuure Shaanu Ceede nastooje Katsina, janngirde Dum be inni Muhammadu Buhari Meteorological Institute bee juude hukuuma Shaanu Piirooje, kampaniwa Darma Rice mills haa Batagarwa hawtaade bee nyawndorde nde Katsina State General Hospital.”
Haafahi Buhari wi wadduki PTF waddi kuude jahargal yeeso sanne hedi shaanu njam enanta bee janngirde nder Lesdi Naajeeriya.
Non O besdi bee wiiki wadduki buwaangal Laanaaje Lesdi iga Kano-Katsina-Maradi (Niger Republic) waddaama on ngam sembidinki kilantaaji riskuuji hakkunde Lesdi Naajeeriya bee Niger hawtaade bee waddanki ummaatoore koydum geendam.
Ardiido Buhari yaari ngillakan jee nyalde 2 musamman ngam omta kuude ngomna Aminu Masari mo Jihakan huuwi.
Ko nden on O mani tiinaaje ngomnaajo Jihawol Borno Baba Gana Umara Zulum bee boddi maako nden O tefri ummaatoore ‘e Saaro ‘en hoora hakkiilo dow Janngirde Bacci mabbe ‘e tefre joonde jam nder Lesdi Naajeeriya.
Haa ragare ngomnaajo Jihawol Kastina Aminu Bello Masari usi yeti Ardiido Lesdi Naajeeriya Bee nootaandu sorgol maako.
SADQ ALFA
