Hooreejo nyawndorde Lesde Africa anndira African Medical Centre of Excellence, Brian Deaver, wi Lesdi Naajeeriya taskani omtol nyawndorde nyaw ladde.
Deaver suuditi haalakan wakkati O yaarana Ciimaajo ma hakkilanta shaanu yaasi Lesdiiku, Abike Dabiri-Erewa ngilla.
O wi fakat O faami dow nyawndorde haa Lesdi Naajeeriya mawde sanne ngam non haandi hibbitina ko lutti bee nyawnduki nyaw Ladde.
CEO besdika bee wiiki toni haa nyawndorde nden omtaama golle mallabo kuude feesan sanne yaaki ummaatoore ko hewtanta ujinedde haa Lesdi Naajeeriya.
Hooreejo NiDCOM mani kawtal ngal bee subtuki gollidan bee Lesdi Naajeeriya wakkati O tabitini be dow hukuumawa maako hokkibe baawal baawo sanne ngam hokkan Lokotoro’en kastaabe be Lesdi Naajeeriya wonbe yaasi warta huuwana Lesdi mabbe.
Debboojo on wi toni haa nyawndorde nden omtaama ummaatoore Lesdi Naajeeriya waman wamarde ngare ndaaren nden jahargal yeeso hebaama hedi saanu njamu.
SADIQ ALFA
