Ciimaajo Lesdi India wii kampaniiji 135 rufi jarfuuji mabbe ha Lesdi Naajeeriya

Chiimaajo Lesdi India gondo haado Lesdi Naajeeriya, Shri G. Balasubramanian, wi campaniiji ko buranta  135 jee Lesdi  India wadi rufayonta Ceede ko hewtani  19 billionji Dalaaje Ceede Lesdi America haa Naajeeriya.

Balasubramanian, suuditi haalakan wakkati O tintinanno beldum be nani bee kabbidal narral boosungu woni hakkunde Lesde den 2.

O wi narral ngal saali tinndinoore ngam non wadi be wari be yidi besdaari narral ngal hedi laabi taskaramji feere feere kadima ko waddata jahargal yeeso hakkunde Lesde den.

Nder man O wi woodi laabi di Lesdi India dabbata dowko laarani maatootiral ‘e shaanu kubaruuji ‘r ko nanndi’enon.

Kadima, O wi Lesdi Naajeeriya do nder Lesde teddude nder be be surgata ngam waddana Lesde Duuniyaaru  kuude jahargl yeeso dum tammi wadeeki hakkunde 9 Lewru Septemba yaaki 10 maaru hitaande  2023 To jam haa Galluure New Delhi.

Nulaado on besdika bee wiiki dow be taskani anniyaaji boddi di hokkata kubaru’en Lesde Africa Hirnaangeeje werde haa Lesdi India musamman bee be yobanan  Naajeeriyaabe ko hewtanta 500 ngam jannga fannuwol kubaru’en haa Lesdi India nder hitaande 2023.

SADIQ ALFA