Wakiiliijo mo majaliisaaru ndotti’en haa Fombinaari Jihawol Nasaraawa, Sen. Umaru Al-Makura, usi yeti ardiido Lesdi Naajeeriya Muhammadu Buhari bee waduki juude yerdi be omta nyawndorde ‘e jannginol Lokotoro’en haa Galluure Lafiya nder Jihakan.
Wakiiliijo on laatino ngomnaajo jihakan holliido seyo maako sanne haa yeeso kubaru’en .
O wi nyawndorde nden woodi bote sanne haa bakkeeje den ngam feesinan ‘elto, Lokotoro ‘en hawtaade bee hurgol gannudi ummaatoore haa giifakan.
Wakiiliijo on wi ngomnati kawtal Lesdi hoori hakkiilo masin haa nokkuure maako bee iptanki be alkawal wadankibe ko nafata ummaatoore bakkeeje den.
SADIQ ALFA
