Sooja’en Lesdi Naajeeriya hebi nasaraaku dow turtube haa Giwa nder Jihawol Kaduna.

Sooja’en Lesdi Naajeeriya be Operation Forest Sanity haa Jihawol Kaduna hebi nasaraaku halkuki turtube 4 nden be jabti balmi haa juude mabbe wakki be hippino be haa Jihakan.

Haalakan wurti on haa hunduko hooreejo mo hakkilanta shaanu kubaruuji walde  nden, Maj-Gen. Musa Danmadami, haa Abuja laamorde Lesdi Naajeeriya.

Danmadami wi Sooja’en ben naftori dabareeji mabbe iga nyennde Alat yaaki Altine horo hiippuki turtube ben haa Rafin Taba nder Galluure  Giwa nder Jihakan.

Sooja’en ben habdi sanne bee be Bindigaaji  haa be hebi Nasaraaku dow mabbe be jabti bindi gaaji 47 haa juude mabbe.

Be jabti Bindi gaaji AK 47 Didi bee Kaa’e pidirle Bindigaaji din ko hewtani 51, (7.62mm) Lenguru maatootiral 5,mba’annte masin 2 bee Ceede ko hewtani N206,000.

SADIQ ALFA